سیرت کوئز کمپٹیشن کا کامیاب انعقاد

جامع مسجد مستی چک میں سیرت کوئز کمپٹیشن کا کامیاب انعقاد

عتیق اللہ کلیم ✍️

میرا سفر – سیرت کوئز کمپٹیشن تک

میں اکیلا ہی چلا تھا جانب منزل مگر

لوگ ساتھ آتے گئے اور کارواں بنتا گیا

میرے علاقے کے حالات ایسے ہیں کہ دینی کاموں کے لئے لوگوں کی بے رغبتی حد سے بڑھ چکی ہے۔ کبھی کبھی تو یوں لگتا تھا کہ یہاں کسی علمی یا دینی پروگرام کا انعقاد ناممکن ہے۔ مگر میرے دل میں ایک عزم تھا، ایک خواب تھا کہ میں اپنے علاقے کے بچوں کو سیرتِ رسول ﷺ سے جوڑنے کا کوئی ذریعہ بنا کر رہوں گا۔ اسی خواب نے مجھے ہمت دی اور میں نے طے کر لیا کہ سیرت کوئز کمپٹیشن ہر حال میں ہوگا، چاہے حالات کیسے بھی ہوں۔

جب میں 7؍ ستمبر 2025ء کو تعطیل ششماہی کے موقع پر گھر پہنچا تو میرے ذہن میں یہی خیال گردش کر رہا تھا۔ میں نے اسی دن محنت شروع کر دی۔ وسائل میرے پاس نہ تھے، رقم بھی نہیں تھی، اور نہ ہی کوئی بڑا انتظامی ڈھانچہ تھا۔ لیکن دل میں جو تڑپ تھی وہ سب پر بھاری تھی۔

میں نے سب سے پہلے اپنے موبائل پر دونوں طبقوں کے لئے پچاس سوالات تیار کئے اور انہی کے ساتھ پوسٹر بھی ڈیزائن کیا۔ پرنٹ نکالنے کے لئے اپنے مخلص رفیق آصف بھائی کے پاس گیا۔ میرے پاس نقد رقم نہ ہونے کے باوجود انہوں نے نہایت محبت سے مدد کی۔ یہ پہلا قدم تھا اور اللہ نے اسے آسان فرما دیا۔

پھر میں نے گاؤں گاؤں جا کر محنت شروع کی۔

سب سے پہلے اپنے گاؤں بساہی میں بات کی۔ وہاں سے 15 بچوں نے رجسٹریشن کیا۔

پھر میں مستی چک گیا، وہاں سے 17 بچوں کے نام آئے۔

اس کے بعد اپنے گاؤں سے تین کلومیٹر دور سائیکل پر گیا۔ ایک بار رجسٹریشن مکمل نہ ہو سکا، تو دوبارہ جانا پڑا۔ وہاں سے 24 بچوں نے حصہ لیا۔

آخر میں میں پوجھی گیا، جہاں سے 7 بچوں کے نام درج ہوئے۔

یعنی میرا ہر دن دوڑ دھوپ اور محنت میں گزرا۔ کبھی سائیکل پر سفر، کبھی رجسٹریشن فارم بانٹنا، کبھی والدین کو سمجھانا، کبھی بچوں کو تیار کرنا۔

جمعہ میں 12 تاریخ کو مجھے موقع ملا کہ لوگوں کے سامنے  

 پروگرام کی اہمیت بیان کروں۔ اس بیان کے بعد دلوں میں کچھ چراغ روشن ہوئے اور مزید حوصلہ ملا۔

میں نے رجسٹریشن فیس صرف 20 روپیہ رکھی تھی، لیکن یہ رقم بھی مکمل نہ ہو سکی۔ اس قلیل وسائل میں اتنا بڑا پروگرام کیسے ہوتا؟ ایک لمحہ ایسا بھی آیا کہ سب کچھ ناممکن سا لگنے لگا۔ مگر میں نے ہمت نہ ہاری۔ میں نے اپنے ہی تعلقات میں مخلص احباب سے تعاون کی اپیل کی اور اللہ نے ان کے ذریعے انتظام فرما دیا۔

یہ سب لمحے میرے لئے محض ایک تیاری نہیں تھے بلکہ ایمان، محنت اور صبر کا امتحان تھے۔ 

سیرت کوئز کمپٹیشن کی ضرورت و اہمیت

الحمد للہ  اب میری محنت رنگ لائی اور    جامع مسجد مستی چک، پرسا بازار، چھپرا میں بروز منگل 16؍ ستمبر 2025ء کو سیرت کوئز کمپٹیشن نہایت کامیابی اور حسنِ انتظام کے ساتھ منعقد ہوا۔ یہ پروگرام خالص دینی و تعلیمی فضا میں ہوا، جس میں بچوں اور بچیوں نے غیر معمولی جوش و خروش کے ساتھ شرکت کی۔

: مسابقہ دو طبقوں میں تقسیم کیا گیا تھا

سفلی: 8 سے 12 برس کی عمر تک

علیا: 13 سے 16 برس کی عمر تک

دونوں طبقوں کے لیے سیرتِ نبوی ﷺ اور دینی تعلیمات پر مشتمل پچاس سوالات تیار کیے گئے تھے۔ بچوں نے نہایت اعتماد، شوق اور دلچسپی کے ساتھ جوابات دیے۔

پروگرام کا آغاز محمد داوٗد کی تلاوتِ کلامِ پاک سے ہوا اور برادرم حافظ محمد عبد اللہ نے رسول اکرم ﷺ کی مدح میں نذرانۂ عقیدت و محبت پیش کیا۔

مسابقے کے لئے پچاس سوالات کی پرچیاں تیار کی گئی تھیں، جن میں سے ہر شریک دس پرچیاں منتخب کرتا اور انہی سوالات سے اس کا امتحان لیا جاتا۔

سب سے پہلے طبقہ سفلی کا مقابلہ ہوا، اس کے بعد طبقہ علیا کا۔

طبقہ سفلی سے: سعد عزیز بن ڈاکٹر سعید، عاصیہ پروین بنت مطیع اللہ اور محمد داوٗد بن ڈاکٹر علی شیر نے بالترتیب پوزیشن حاصل کی۔

طبقہ علیا سے: حورعین فاطمہ بنت سمیع اللہ، محمد انیس الرحمن بن محمد کلیم اور ایان بن ریاض نے بالترتیب پوزیشن حاصل کی۔

یہ مقابلہ محض ایک تعلیمی سرگرمی نہیں بلکہ ایک بامقصد جدوجہد ہے۔ آج کے دور میں جب بچے موبائل، کھیل اور فضول مشاغل میں وقت ضائع کرتے ہیں، ایسے مواقع ان کو دین و سیرت سے جوڑنے کا بہترین ذریعہ ہیں۔

کوئز کمپٹیشن کے ذریعے نہ صرف بچوں میں مطالعہ اور یادداشت کی عادت پروان چڑھتی ہے بلکہ وہ سیرتِ رسول ﷺ سے ایسے جواہر حاصل کرتے ہیں جو ان کی شخصیت اور اخلاق کو سنوارنے میں مددگار ثابت ہوتے ہیں۔

یہ مقابلے دراصل نئی نسل کے دلوں میں ایمان کی تازگی، رسول اللہ ﷺ کی محبت اور نیکی میں سبقت کا جذبہ پیدا کرنے کی بہترین تدبیر ہیں۔

اس موقع پر علما و ائمہ کرام نے اپنے تاثرات کا اظہار کرتے ہوئے کہا کہ یہ مقابلہ نسلِ نو کو سیرتِ رسول ﷺ سے جوڑنے کی ایک مؤثر اور کامیاب کوشش ہے۔

نتائج کے اعلان کے بعد کامیاب طلبہ و طالبات کو شیلڈ، کپ اور میڈلز سے نوازا گیا، جبکہ تمام شرکا کی حوصلہ افزائی کے لئے میڈلز اور کتابیں بھی پیش کی گئیں۔ اس سے بچوں میں خوشی کی لہر دوڑ گئی اور ان کے اندر مزید پڑھنے اور سیکھنے کا جذبہ پیدا ہوا۔

واضح رہے کہ حکم کے فرائض رفیق درس محمد شاہد اور محمد معراج نے انجام دیے، جبکہ بزم کی نظامت خود کنوینر محمد عتیق اللہ نے کی۔

: صدارتی خطاب میں مولانا ظفر عالم قاسمی مدظلہ العالی نے فرمایا

 جب میں یہاں آیا تھا تو مجھے لگا تھا کہ اس علاقے میں دینی ترقی کے آثار ظاہر ہونے میں کم از کم پچاس سال لگیں گے، لیکن ایسے پروگرامز کی وجہ سے مجھے یقین ہے کہ اب ان شاء اللہ بہت جلد تبدیلی آئے گی۔

: اسی موقع پر اقبالؔ کا یہ شعر پڑھا گیا

نہیں ہے ناامید اقبالؔ اپنی کشت ویراں سے

ذرا نم ہو تو یہ مٹی بہت زرخیز ہے ساقی

: مولانا نے مزید فرمایا کہ

تعلیمی بیداری نہایت ضروری ہے، لہٰذا اسے عبادت سمجھ کر انجام دیا جائے۔

: راقم الحروف نے اپنے خطاب میں کہا

 یہ علمی مسابقہ دراصل ہمارے بچوں کے ذہن و دل میں علم و ایمان کی شمع روشن کرنے کی کوشش ہے، اور ہم دعا کرتے ہیں کہ اللہ تعالیٰ اسے ہمارے معاشرے کی فکری و اخلاقی بیداری کا ذریعہ بنائے۔

آخر میں صدر محترم، حکم حضرات اور مہمانانِ کرام کو بھی میڈل پیش کیے گئے اور خوبصورت فوٹو سیشن کے بعد یہ نورانی محفل دعا پر ختم ہوئی۔

 بقلم: محمد عتیق اللہ بن محمد کلیم 

متعلم: دار العلوم ندوۃ العلماء لکھنؤ 

تعطیل ششماہی : محنت کا تسلسل اور بامقصد منصوبہ بندی

 تعطیل ششماہی : محنت کا تسلسل اور بامقصد منصوبہ بندی

عتیق اللہ کلیم ✍️

الحمدللہ! ششماہی امتحانات کا مرحلہ کامیابی کے ساتھ مکمل ہوا۔ دن رات کی محنت اور محاسبے کے بعد اب سکون کے چند ایام یعنی چھٹیاں نصیب ہو رہی ہیں۔ یہ وقت محض آرام اور تفریح کے لیے نہیں بلکہ ایک قیمتی سرمایہ ہے، جسے اگر مثبت منصوبہ بندی کے ساتھ استعمال کیا جائے تو آنے والے دنوں میں بہترین نتائج دے سکتا ہے۔

: استاد کی رہنمائی میں منصوبہ بندی

یہ سنہرا موقع ضائع نہ ہوجائے اس لئے استاد محترم کی رہنمائی میں منصوبہ بنائیں کہ اس تعطیل میں کیا کرنا ہے ،مثال کے طور پر مطالعہ کی جہت متعین کرانا ، کتاب کا انتخاب اور دیگر کاموں میں رہنمائی حاصل کرنا وغیرہ ۔ 

: درسیات میں کمزروی کی تلافی 

سال کے دوران جس مضمون میں آپ کی کارکردگی کمزور رہی ہے، اس کمی کو دور کرنے کا یہ بہترین موقع ہے۔ اپنے استاذ سے رہنمائی حاصل کر کے اس مضمون میں اپنی کمزوری پر قابو پانے کی کوشش کریں، تاکہ آئندہ کسی قسم کی مشکل کا سامنا نہ کرنا پڑے۔

: والدین اور بڑوں کا احترام

والدین کی خدمت، بڑوں کا ادب، رشتہ داروں کے ساتھ حسنِ سلوک اور چھوٹوں کے ساتھ شفقت برتنا دنیا و آخرت کی کامیابی کا سبب بنتا ہے۔ تعلیمی مصروفیات کی وجہ سے اگر آپ کچھ عرصہ والدین کی خدمت سے محروم رہے ہیں اور یہ موقع آپ کے بھائی بہنوں کو ملا ہے، تو اب یہ کمی پوری کرنے کا بہترین وقت ہے۔ والدین کی خدمت میں خوشی محسوس کریں، ان کے احکام کو دل سے مانیں اور گھر کے کاموں میں خوش دلی سے ہاتھ بٹائیں۔ ان شاء اللہ، والدین کی خوشنودی اور دعائیں آپ کے لیے دنیا و آخرت دونوں میں کامیابی اور سکون کا باعث بنیں گی۔ بھائی بہنوں کے ساتھ محبت، اخوت اور ہمدردی کا رویہ اختیار کریں تاکہ آپ ایک حقیقی سعادت مند انسان بن سکیں۔

: معاشرتی و تعلیمی خدمات 

چھٹی کا یہ وقت صرف اپنی ذات کے لیے نہیں بلکہ معاشرے کے لیے بھی مفید بنایا جا سکتا ہے۔ کسی تعلیمی، دینی یا سیاسی مجلس میں شریک ہونا، یا کسی سماجی خدمت میں حصہ لینا نہ صرف نیکی کا باعث ہوگا بلکہ ہمارے علم اور تجربے میں اضافہ بھی کرے گا۔

اس کی ایک شکل یہ بھی ہو سکتی ہے کہ اگر آپ کے علاقے میں مکتب قائم ہے تو اس میں تعلیم حاصل کرنے والے چھوٹے بچوں اور بچیوں کے درمیان انعامی مسابقہ کرائیں اور اس میں اپنے علاقے کے اہلِ فکر کو دعوت دیں۔

آپ دیکھیں گے مسابقہ تعلیمی اعتبار سے نہایت مفید ثابت ہوا۔ 

: عوامی اصلاح اور دعوتی سرگرمیاں

چھٹیوں کے دوران محلے یا گاؤں کی مسجد میں جمعہ کے خطبات یا مختصر بیانات کے ذریعے عوامی اصلاح کا کام بھی شامل کیا جائے۔ یہ نہ صرف دین کی دعوت کا ذریعہ ہے بلکہ آپ کی تقریری صلاحیت کو بھی نکھارتا ہے۔

: سفر اور سیر و تفریح 

دورانِ تعطیل اگر سفر اعتدال کے ساتھ کیا جائے تو یہ نہ صرف ذہنی دباؤ کم کرتا ہے بلکہ نئے تجربات اور علم میں اضافہ کا سبب بھی بنتا ہے۔ مناسب منصوبہ بندی کے ساتھ کی گئی تفریح دل کو خوش اور دماغ کو توانا کر دیتی ہے، جس سے واپس آنے کے بعد پڑھائی میں مزید دلچسپی اور توجہ پیدا ہوتی ہے۔

: اختتامیہ

چھٹیاں دراصل محنت کے تسلسل کا دوسرا نام ہیں۔ اگر ہم ان ایام کو والدین کی خدمت، علمی ترقی، سیر و تفریح میں اعتدال، رشتے داروں کی ملاقات اور عوامی اصلاح جیسے کاموں میں گزاریں تو یہ چھٹیاں نہ صرف خوشگوار بلکہ بامقصد اور نتیجہ خیز ثابت ہوں گی۔

https://urduarabiccorner.blogspot.com/2025/08/blog-post_19.html

https://urduarabiccorner.blogspot.com/2025/07/blog-post_10.html

امتحان اور طالب علم کا سفر

امتحان اور طالب علم کا سفر 

محنت سے ہے عظمت کہ زمانے میں نگیں کو
بے کاوش سینہ نہ کبھی ناموری دی

عتیق اللہ کلیم ✍️

زندگی دراصل ایک مسلسل امتحان کا نام ہے۔ انسان کی پیدائش سے لے کر موت تک کا ہر لمحہ کسی نہ کسی آزمائش سے عبارت ہے۔ کبھی یہ امتحان غربت و افلاس کی صورت میں آتا ہے، کبھی دولت و ثروت کے نشے میں، کبھی راحت و سکون کے پردے میں، اور کبھی غم و مصیبت کی آندھیوں میں۔ انسان اگر غور کرے تو سمجھے گا کہ کائنات کی پوری بساط امتحان ہی کے اصول پر بچھی ہوئی ہے۔

تعلیمی دنیا میں ہونے والا امتحان بھی دراصل اسی ازلی و ابدی قانون کی جھلک ہے۔ طلبہ کی محنت، لگن، ذہانت اور استقامت کو جانچنے کے لئے امتحان کا انعقاد کیا جاتا ہے۔ یہ وہ مرحلہ ہے جہاں دن رات کی محنت، جاگتی ہوئی آنکھیں، اور کھوئے ہوئے سکون کے لمحے اپنی حقیقت آشکار کرتے ہیں۔ امتحان کاغذ پر لکھے چند سوالات کا نام نہیں، بلکہ یہ عزم و ہمت کی وہ کسوٹی ہے جو مستقبل کی راہوں کو متعین کرتی ہے۔

امتحان ہر طالب علم کی زندگی کا ایک ایسا مرحلہ ہے جو نہ صرف اس کی محنت اور مطالعے کا آئینہ دار ہوتا ہے بلکہ اس کے مستقبل کی کامیابی کے دروازے بھی اسی پر کھلتے ہیں۔ یہ صرف چند سوالات کے جوابات دینے کا نام نہیں بلکہ ایک ایسا موقع ہے جو ہمیں محنت، صبر اور استقامت کی اہمیت سکھاتا ہے۔

امتحان کا وقت وہی طلبہ آسانی سے گزارتے ہیں جنہوں نے پورے سال محنت کی ہو۔ لیکن جو لوگ سارا وقت کھیل کود اور غفلت میں گزار دیتے ہیں، ان کے لیے امتحان کی گھڑیاں بڑی بھاری ثابت ہوتی ہیں۔ اس لیے عقل مند طالب علم وہ ہے جو امتحان سے کئی ماہ پہلے سے ہی اپنی تیاری شروع کر دے، وقت کو قیمتی سمجھے، اور مطالعہ کو اپنی روزانہ کی عادت بنا لے۔

امتحان ہمیں یہ بھی سکھاتا ہے کہ کامیابی صرف انہی کو ملتی ہے جو محنت کو اپنا شعار بناتے ہیں۔ محنت سے بڑھ کر کوئی جادو نہیں، اور غفلت سے بڑھ کر کوئی دشمن نہیں۔ لہٰذا جو طالب علم دل لگا کر پڑھتے ہیں وہ کمرۂ امتحان میں پُر اعتماد ہوتے ہیں، اور جو سستی کرتے ہیں وہ پریشان اور گھبرائے ہوئے دکھائی دیتے ہیں۔

دارالعلوم ندوۃ العلماء کی مسجد میں طلبہ کی محنت کا روح پرور منظر👇👇👇

یہ یاد رکھنا چاہئے کہ امتحان صرف یادداشت کی جانچ نہیں کرتا بلکہ کردار کا بھی امتحان ہے۔ نقل سے وقتی کامیابی تو شاید مل جائے، لیکن یہ زندگی کے اصل امتحان میں ناکامی کا سبب بنتی ہے۔ اصل کامیابی وہ ہے جو ایمانداری اور محنت سے حاصل ہو، کیونکہ یہی کامیابی انسان کے لئے عزت، اعتماد اور روشن مستقبل کا ذریعہ بنتی ہے۔

امتحان کے دنوں میں دعا، محنت اور وقت کی صحیح تقسیم سب سے بڑے ہتھیار ہیں۔ جو طالب علم وقت کی قدر کرتے ہیں، اپنی صحت اور نیند کا خیال رکھتے ہیں اور اللہ پر بھروسہ کرتے ہیں، ان کے لیے امتحان مشکل نہیں رہتا بلکہ کامیابی کا زینہ بن جاتا ہے۔

آخر میں کہا جا سکتا ہے کہ امتحان خوف کی چیز نہیں بلکہ ترقی کا دروازہ ہے۔ طالب علم کو چاہئے کہ وہ اس مرحلے کو حوصلے، محنت اور ایمانداری کے ساتھ طے کرے تاکہ زندگی کے بڑے امتحانوں میں بھی کامیاب ہو سکے۔

https://urduarabiccorner.blogspot.com/2025/07/blog-post_10.html

یومِ آزادئ ہند

یومِ آزادئ  ہند 

عتیق اللہ کلیم ✍️

تاریخ ہند میں دو دن 15 اگست اور 26 جنوری کو وہ غیر معمولی اہمیت حاصل ہے جو کسی دوسرے دنوں کو حاصل نہیں ہے، 15 اگست 1947 کو ہمارا ملک انگریزوں کے چنگل سے آزاد ہوا تھا اور 26 جنوری 1950 کو اس ملک کا اپنا جمہوری قانون نافذ کیا گیا تھا ،آج کی اس تاریخ میں ہندوستان کے گوشے گوشے اور چپے چپے میں باشندگان ہند نے جشن جمہوریت منایا ہوگا اور مجاہدین آزادی کے کارناموں کو یاد کیا ہوگا اور جمہوری ترانہ گنگنایا ہوگا اور یہ دعوی کیا جا رہا ہوگا کہ ہندوستان میں جمہوری حکومت قائم ہے اور ہر ایک کو چاہے وہ مسلم ہو کہ ہندو ،سکھ ہو یا عیسائی، مذہبی و ملی اور شخصی آزادی حاصل ہے اور اور ایسا بتایا بھی جاتا ہے کہ سب کے حقوق برابر ہیں اور سب کے لیے رعایات یکساں ہیں ہر ایک کے مفاد کے متعلق سوچ و فکر ہو رہی ہے سب کے حقوق یکساں طور پر دیے جا رہے ہیں اور یہ یاد کرایا جاتا ہے کہ ہر شخص ہر شہری کو مکمل آزادی حاصل ہے کسی کو کسی سے کوئی شکوہ نہیں آج کی اس تاریخ میں اس وقت بڑا ادنی سے ادنی سیاسی لیڈر یہی گفتگو کرتا ملے گا جب کہ حقیقت یہ ہے کہ آج کے جھوٹے سیاست دانوں نے جمہوریت کے نام پر اس کی دھجیاں اڑائی ہیں اور جمہوریت کے نام پر اقلیت کا ہر میدان میں استیصال کیا ہے، کیا جمہوریت اسی کا نام ہے کہ اقلیت پر اور بالخصوص مسلمانوں پر ظلم و ستم کا پہاڑ توڑا جائے؟

 کیا جمہوریت اسی کا نام ہے کہ ماؤں اور بہنوں کی عزت و آبرو کو سر بازار کیا جائے؟ 

۔۔۔۔۔۔۔کسانوں اور کاشتکاروں کے حقوق سلب کیے جائیں؟ ۔۔۔۔۔۔۔مساجد اور مدارس پر پابندیاں لگائی جائیں؟

۔۔۔۔۔۔۔ این آر سی اور سی اے اے کے نام پر شہریت ختم کیا جائے؟

۔۔۔۔۔۔ ملک میں دنگائی اور فسادیوں کی حوصلہ افزائی کی جائے؟ ۔۔۔۔۔۔ملک میں کسانوں کو سڑکوں پر لا کھڑا کیا جائے ؟

اللہ اکبر !کیا فساد ،کیا ہنگامہ ،کیسا بھیانک منظر، کیسی درد آمیز کراہیں اور چیخ و پکار جس کے محض تصور سے ہی جسم کا رونگٹا کھڑا ہو جاتا ہے، کتنی آنکھیں اشکوں کے سمندر میں تیرنے لگتی ہیں  اور کتنی ہی زبانیں بلبلانے لگتی ہیں۔

 اے قائدین ملک بتاؤ کہ یہ کس وجہ سے ہوا اور اس کی اصل وجہ کیا ہے ؟آج تو جس کی لاٹھی اس کی بھینس کا محسوس منظر ہے، تو اگر اسی کا نام جمہوریت اور اسی کا نام آزادی ہے تو ایسی آزادی اور ایسی جمہوریت پر ہم کل بھی لات مارتے تھے اور آج بھی مارتے ہیں۔

!سن لو اے دانشورانِ ملت

ہمیں آزادی چاہیے دین اسلام کے تحفظ کی

۔۔۔۔۔۔۔۔۔ مذہب و ملت کی

۔۔۔۔۔۔۔۔۔ عزت و ابرو کی 

۔۔۔۔۔۔۔۔۔خانہ خدا کی

۔۔۔۔۔۔۔۔۔ مدارس و مکاتب کی 

۔۔۔۔۔۔۔۔۔مساجد و معاہد کی

۔۔۔۔۔۔۔۔۔ ظلم و زیادتی سے

۔۔۔۔۔۔۔۔۔ ظالم حکومت وہ مہنگائی سے

۔۔۔۔۔۔۔۔۔ دنگا و فساد اور کالے قانون سے

 اب اگر ان چیزوں کی آزادی ہمیں نہیں ملتی جیسا کہ آج مشاہدات وہ واقعات اس کی گواہی دیتے ہیں تو یاد رکھو کہ یہ آزادی اور جمہوریت کی بدنامی ہے اور ان دونوں لفظوں کو بےکار استعمال کیا جا رہا ہے ۔

محترم قارئین! آئیے ہم اپنے قول و فعل سے نشست و برخاست،  طور طریق سے آزادی کا صحیح مفہوم واضح کریں اور نفرت  عداوت ، تعصب و منافرت ،لاقانونیت و بربریت ،فرقہ پرستی و دہشت گردی کو ہوا دینے والی جماعتوں سے جم کر مقابلہ کریں ۔

اور امن و اشتی کا ہندوستان                           خوشحالی و پرامن ہندوستان 

گنگا جمنی تہذیب کا گہوارہ....    ہندو مسلم اتحاد کی علامت ہندوستان

شیخ الہند اور مولانا قاسم کا.....                مولانا آزاد و مولانا جعفر کا

مہاتمہ گاندھی اور نہرو کا ......                 علامہ اقبال اور ٹیگور کا.........     ایمبیڈکر اور فضل حق خیرآبادی کا...  ٹیپو سلطان اور بھگت سنگھ کا سھباس چندر بوس واشفاق اللہ خان کا......    نارنک اور چشتی کا ہندوستان اور جیسا پرامن ہندوستان تھا ویسا ہی ہندوستان بن جائے اور آنکھوں کے سامنے آ جائے ۔

مذہب نہیں سکھاتا اپس میں بیر رکھنا

ہندی ہے ہم وطن ہیں ہندوستان ہمارا 

https://urduarabiccorner.blogspot.com/2025/01/blog-post.html

صور من حياة عبد الرحمن بن عوف

صور من حياة عبد الرحمن بن عوف

عتیق اللہ کلیم ✍️

هو أحد الثمانية السابقين إلى الإسلام و أحد العشرة المبشرين بالجنة، و أحد النفر الذين يفتون بالمدينة وكان اسمه في الجاهلية عبد عمر فلما أسلم دعاه الرسول الكريم صلى الله عليه وسلم عبد الرحمن، وأسلم بعد إسلام الصديق بيومين اثنين، و لقي من العذاب في سبيل الله ما لقيه المسلون الأولون فصبر و صبروا۔

: الصورة الأولى 

ولما ه‍اجر عبد الرحمن بن عوف إلى المدينة آخى رسول الله صلى الله عليه وسلم بينه وبين سعد بن الربيع الأنصاري رضي الله عنه، فقال سعد لعبد الرحمن بن عوف: عندي اثنان من كل شيء فخذ أحدا ما أحب إليك منهما، فقال عبد الرحمن له بارك الله لك في أهلك ومالك، ولكن دلني على السوق فدله عليه فجعل۔ يتجر ويربح و يدخر۔

: الصورة الثانية 

وما هو إلا قليل حتى اجتمع لديه مهر امرأة فتزوج، وجاء الرسول عليه السلام فقال له: ”مهيم يا عبد الرحمن“ فقال: تزوجت فقال: ”وما عطيت زوجتك من المه‍ر“ قال: وزن نواة من ذهب قال: ”أولم ولو بشاة بارك الله لك في مالك“۔

: الصورة الثالثة 

وجاهد عبد الرحمن في يوم بدر في الله حق جهاده وفي غزوه أحد عليه بضعة وعشرون جرحا بعضها عميق تدخل فيه يد الرجل۔

: الصورة الرابعة 

وقف النبي صلى الله عليه وسلم فقال: ”تصدقوا فإني أريد أن أبعث بعثا“ فبادر عبد الرحمن إليه وقال: يا رسول الله عندي أربعة آلاف:ألفان منها اقرضتهما ربي وألفان تركتهما لعيالي فقال رسول الله صلى الله عليه وسلم: ”بارك الله لك فيما أعطيت وبارك الله لك فيما أمسكت“ ۔

: الصورة الخامسة 

وعند غزوه تبوك لما أمر رسول الله صلى الله عليه وسلم أصحابه باالنفقة في سبيل الله، فقد تصدق بمأتي أوقيه من الذهب، فقال عمر بن الخطاب للنبي صلى الله عليه وسلم: إني لا أرى عبد الرحمن إلا مرتكبا إثما، فما ترك لأهله شيئا، فقال النبي صلى الله عليه وسلم هل تركت لأهلك شيئا.... عبد الرحمن؟ فقال: نعم، تركت لهم أكثر مما أنفقت و أطيب.قال صلى الله عليه وسلم: كم؟ قال: ما وعد الله ورسوله من الرزق والخير والأجر. و أم المسلمين في تبوك فصلى خلفه رسول الله صلى الله عليه وسلم ولما لحق الرسول عليه السلام بالرفيق الاعلى قام بكل مصالح  أمهات المسلمين حتى قالت عائشة رضي الله عنها، مرة قال رسول الله صلى الله عليه وسلم: ”لا يحنو عليكن من بعدي إلا الصابرون“ ۔

: وفاة عبد الرحمن بن عوف 

وبقيت دعوة رسول الله صلى الله عليه وسلم لعبد الرحمن بن عوف بأن يبارك الله له تظلله مامتدت به الحياة فلما حضرت عبد الرحمن الوفاة أعتق خلقا كثيرا من مماليكه وبعد ذلك كله خلف لورثته مالا لا يكاد يحصيه حيث ترك ألف بعير،ومأة فرس، وثلاثة آلاف شاة وكانت نساءه أربعا فبلغ ربع الثمن الذي خص كل واحده منهن ثمانين ألفا۔ 

وحمل جنازته إلى مثواه الأخير خال رسول الله صلى الله عليه وسلم سعد بن أبي وقاص و صلى عليه ذو النورين عثمان بن عفان وشيعه أمير المؤمنين علي بن أبي طالب وهو يقول: إذهب فقد أدركت صفوها، وسبقت زيفه‍ا يرحمك الله ۔

هذا المقال ملخص لقصة عبد الرحمن بن عوف من كتاب ”صور من حياة الصحابة “ للدكتور عبد الرحمن رأفت الباشا

من حياة عبد الرحمن بن عوف رضي الله عنه نستخلص العديد من الدروس والعبر التي تنير لنا طريق الإيمان والعمل الصالح، ومن أبرز هذه الدروس

: ١. المبادرة إلى الخير والإسلام

كان عبد الرحمن بن عوف من أوائل من دخلوا في الإسلام، مما يدل على حبه للحق وحرصه على النجاة في الدنيا والآخرة۔

: ٢. الصبر على الشدائد

تحمل في سبيل الله العذاب والاضطهاد، وصبر كما صبر الصحابة الأوائل، وهذا يعلمنا أن طريق الحق مليء بالتضحيات۔

: ٣. الاجتهاد في العمل والرزق الحلال

رغم أنه مهاجر بلا مال، إلا أنه اجتهد في التجارة بصدق وأمانة حتى أصبح من أغنى الصحابة، مما يدل على أهمية السعي والكسب الحلال۔

: ٤. السخاء والإنفاق في سبيل الله

كان من أكثر الصحابة إنفاقاً، يعطي بلا تردد ويؤثر غيره على نفسه، فاستحق دعوة النبي صلى الله عليه وسلم: "بارك الله لك فيما أعطيت وبارك الله لك فيما أمسكت“۔

: ٥. التوازن بين الدين والدنيا

جمع بين الغنى والتقوى، فكان من أثرياء الصحابة لكنه لم يتعلّق بالدنيا بل جعل ماله في خدمة الدين۔

: ٦. الأمانة والمسؤولية

قام على شؤون أمهات المؤمنين بعد وفاة النبي صلى الله عليه وسلم، وهذا يعكس حسن الخلق وعلوّ الهمة۔

: ٧. الاستعداد للموت بالأعمال الصالحة

أعتق مماليكه وتصدّق قبل موته، وترك من المال ما يدل على بركة دعوة النبي له، فكانت حياته كلها طاعة وكرم وخدمة للدين۔

: ٨. حب الصحابة له وتقديرهم لمكانته

شيّعه كبار الصحابة، وأثنوا عليه، وهذا يدل على علوّ قدره وفضله في الإسلام۔

: النتيجة

إن حياة عبد الرحمن بن عوف رضي الله عنه تمثل نموذجاً فريداً في الجمع بين الإيمان والعمل، وبين الغنى والتواضع، وبين القوة في الجهاد والرحمة في المعاملة، وعلينا أن نقتدي بسيرته في بناء أنفسنا ومجتمعاتنا۔

https://urduarabiccorner.blogspot.com/2025/07/blog

post_23.html

https://urduarabiccorner.blogspot.com/2025/06/blog-post_27.html

https://urduarabiccorner.blogspot.com/2025/07/httpsurduarabiccorner.html

قرآن مجید: انسانیت کے لیے ہدایت کی کتاب

قرآن مجید: انسانیت کے لیے ہدایت کی کتاب

عتیق اللہ کلیم ✍️

: تمہید

اللہ تعالیٰ نے انسان کو اشرف المخلوقات بنایا اور اسے زندگی گزارنے کے لیے عقل و شعور عطا کیا۔ مگر عقل تنہا راہِ حق کی طرف مکمل رہنمائی نہیں کر سکتی، اس لیے اللہ نے اپنے انبیاء و رسل کے ذریعے آسمانی کتابیں نازل فرمائیں تاکہ انسان سیدھا راستہ اختیار کرے۔ ان ہی الہامی کتابوں میں سے آخری اور کامل کتاب قرآن مجید ہے جو صرف مسلمانوں کے لیے نہیں بلکہ پوری انسانیت کے لیے ہدایت، رحمت اور نجات کا ذریعہ ہے۔

: قرآن مجید کا تعارف

قرآن مجید اللہ تعالیٰ کا آخری کلام ہے، جو حضرت محمد ﷺ پر 23 برسوں میں نازل ہوا۔ یہ کتاب نہ صرف عقائد اور عبادات کی تعلیم دیتی ہے بلکہ زندگی کے ہر پہلو — انفرادی، اجتماعی، اخلاقی، سیاسی، معاشرتی اور اقتصادی — کے لیے رہنمائی فراہم کرتی ہے۔

 اللہ تعالیٰ فرماتا ہے: "شَہْرُ رَمَضَانَ الَّذِی أُنزِلَ فِیہِ الْقُرْآنُ ہُدًى لِّلنَّاسِ وَبَیِّنَاتٍ مِّنَ الْہُدَى وَالْفُرْقَانِ" (البقرہ: 185)

ترجمہ: "رمضان کا مہینہ وہ ہے جس میں قرآن نازل کیا گیا، جو انسانوں کے لیے ہدایت ہے اور ہدایت کی واضح نشانیاں رکھتا ہے اور حق و باطل میں فرق کرنے والا ہے۔

: قرآن مجید کی ہدایت کا دائرہ

:  روحانی ہدایت

قرآن انسان کے دل و دماغ کو تسکین دیتا ہے، اسے اللہ کی معرفت حاصل کرنے کا ذریعہ بناتا ہے اور روحانیت کی بلندیوں تک پہنچاتا ہے۔

 أَلاَ بِذِکْرِ اللّٰہِ تَطْمَئِنُّ الْقُلُوْبُ (الرعد: 28)

ترجمہ: خبردار! اللہ کے ذکر سے ہی دلوں کو سکون ملتا ہے۔

: اخلاقی ہدایت

قرآن سچائی، دیانت، عفو و درگزر، صبر، انکساری اور عدل جیسے اعلیٰ اخلاقی اصولوں کی تعلیم دیتا ہے۔ یہ معاشرے کو ظلم، جھوٹ، فریب، حسد اور نفرت سے پاک کرنے کا پیغام دیتا ہے۔

:  سماجی و معاشرتی ہدایت

قرآن خاندان، معاشرے اور ریاست کے قیام میں عدل و مساوات، حسن سلوک، عورتوں کے حقوق، یتیموں کی کفالت، غرباء کی مدد، اور پڑوسیوں سے حسن سلوک کی تعلیم دیتا ہے۔

: قانونی و سیاسی ہدایت

قرآن ایک منصفانہ اور بامقصد نظام حکومت کی بنیاد فراہم کرتا ہے۔ وہ حاکم کو رعایا کا خادم قرار دیتا ہے اور ظلم و استبداد کی مخالفت کرتا ہے۔

: قرآن کی ہدایت کی جامعیت

قرآن مجید کسی مخصوص قوم یا علاقے کے لیے نہیں بلکہ تمام بنی نوع انسان کے لیے ہے

 تَبَارَكَ الَّذِي نَزَّلَ الْفُرْقَانَ عَلَىٰ عَبْدِهِ لِيَكُونَ لِلْعَالَمِينَ نَذِيرًا

ترجمہ:  اور ہم نے آپ کو تمام جہانوں کے لیے رحمت بنا کر بھیجا۔

: سائنسی و فطری حقائق

قرآن میں موجود بہت سے سائنسی حقائق جیسے کائنات کا ارتقاء، انسانی جنین کی تشکیل، پہاڑوں کا کردار، پانی کا چکر وغیرہ ایسے حقائق ہیں جنہیں جدید سائنس نے حال ہی میں دریافت کیا، جب کہ قرآن نے ان کا ذکر چودہ سو سال پہلے کر دیا تھا۔ یہ اس بات کا ثبوت ہے کہ قرآن صرف مذہبی کتاب نہیں، بلکہ علم و شعور کی ابدی روشنی ہے۔

: عصرِ حاضر میں قرآن کی ضرورت

آج کا انسان سائنسی ترقی کے باوجود روحانی اور اخلاقی زوال کا شکار ہے۔ مادہ پرستی، لالچ، فساد، جنگیں، بے راہ روی اور خاندانی ٹوٹ پھوٹ جیسی بیماریاں عام ہو چکی ہیں۔ ایسے میں قرآن ہی وہ واحد ذریعہ ہے جو انسان کو سکون، عدل، رحم اور فلاح کی راہ دکھا سکتا ہے۔

: نتیجہ

قرآن مجید انسانیت کے لیے اللہ کا سب سے بڑا تحفہ ہے۔ یہ وہ کتاب ہے جو ماضی، حال اور مستقبل کے ہر انسان کی رہنمائی کرتی ہے۔ جو بھی خلوص نیت سے اس کتاب کو پڑھے گا اور اس پر عمل کرے گا، وہ نہ صرف دنیا میں کامیاب ہوگا بلکہ آخرت میں بھی نجات پائے گا۔

یہ کتاب وہ ہے جس میں کوئی شک نہیں، ہدایت ہے پرہیزگاروں کے 

لیے(البقرہ: 2)

https://urduarabiccorner.blogspot.com/2025/06/blog-post_27.html

https://urduarabiccorner.blogspot.com/2024/09/blog-post_18.html

مسلم پرسنل لا ، ایک تعارف

مسلم پرسنل لا ، ایک تعارف 

عتیق اللہ کلیم ✍️

: مسلم پرسنل لا کا مطلب 

مسلم پرسنل لا کے لفظ کے پس منظر میں دو بڑی بنیاد غلط فہمیاں راہ پاگئیں ہیں ، ایک تو خود لفظ” پرسنل“ ہی غلط فہمی کی بنیاد بن جاتی ہے ، جو مذہب کے شخصی اور ذاتی تصور سے پھوٹا ہے، جس کے مطابق مذہب فرد کا پرائیوٹ معاملہ ہے دوسرے لفظ” مسلم“ کی  پیدا کردہ غلط فہمی یہ ہے کہ اس سے عام طور سے ذہنوں میں یہی خیال کام کر رہا ہے کہ دوسری قوموں کے” پرسنل لاء“ کی طرح یہ ”مسلم پرسنل لا “بھی مسلمانوں کے خاندانی رسم و رواج اور معاشی اور معاشرتی حالات کا پیدا کردہ اور ان کی ایجاد ہے ، یہ نقطۂ نظر دوسری قوموں کے فیملی لاز ، کے متعلق صحیح ہوسکتا ہے ، لیکن مسلمانوں کے حق میں یقیناً صحیح نہیں بلکہ مسلمانوں کے عقیدے اور ایمان کے لحاظ سے اس کا ایک معمولی حصہ اجتہاد و قیاس اور عرف استحسان پر مبنی ہے اور قرآنی تصریحات کے مطابق ان احکام میں کوئی انسانی ترمیم و تنسیخ ، ظلم و فسق اور کفر ہے ۔

مسلم پرسنل لا  کا مفہوم انگریزی دور میں بھی تقریباً پورے ہی اسلامی قانون و شریعت کے ہوتے تھے ، یعنی وہ قانون جن کا تعلق مسلمانوں سے ہے ، اور اسے کوئی تبدیل نہیں کر سکتا ،ظفر احمد   صاحب لکھتے ہیں 

آرٹکل ۲۵(۲) میں ہے کہ ریاست کا کسی اقتصادی ، مالی سیاسی یا سیکولر فعل کو ریگولیٹ کرنا پابندی عائد کرنا جس کا تعلق کسی مذہبی رواج سے ہو اس لۓ حکومت یا پارلیمنٹ کو اسلامی پرسنل لاء کے بدلنے کا اختیار نہیں ہوسکتا ، اور آرٹیکل ٤٤ میں ریاست کو یکساں سول کوڈ بنانے کا جو اختیار دیا گیا ہے ،وہ متذکرہ بالا حقوق کے تابع ہے، حکومت کے لئے ضروری ہے کہ وہ رواجی قانون اور ان قوانین میں فرق کرے جو رواجی نہیں بلکہ جزو مذہب ہیں ، رواجی اور مذہبی قوانین کے فرق کو مسٹر چھاگلا چیف جسٹس بمبئی ہائی کورٹ نے اپنے رولنگ بمقدمہ اسٹیٹ آف بمبئی بنام نراسواپا مالی شائع شدہ اے آر ۱۹۵۲ بمبئی صفحہ نمبر ۸٤ میں واضح کر رہا ہے، لائق چیف جسٹس نے فرمایا کہ مذہبی عقائد اور مذہبی رواج میں فرق کرنا ملکی ضرورت ہے، بے شک جو رواج کسی مذہب کا جزء لاینفک ہے، وہ پبلک آرڈر، ضابطۂ اخلاق اور سوشل ویلفیئر کے مقابلے میں قائم نہیں رکھا جا سکتا، لیکن یہ حکومت کی ذمہ داری ہے کہ مذہبی عقائد اور ان قوانین کا تحفظ کرے جو جزءِ مذہب ہوں ۔

(بحوالہ: نداۓ ملت ١٦/فروری ١٩٦٩ء)

: پرسنل لا  کی ملی اہمیت 

قوموں کے لئے ان کے اقدار حیات، نظریات زندگی، اخلاق کے اصول، معاملات کے طریقے، ان کے قانونی نظام، عزیز ہوتے ہیں ، فکری سرمایہ، مذہبی اور اخلاقی تصورات ہی کسی تہذیب کا سرچشمہ اور اس کا بنیادی پتھر ہوتے ہیں، لیکن ان سب میں پرسنل لاء کسی قوم کے لئے ریڑھ کی ہڈی کا حکم رکھتا ہے، اسلام میں قانون سازی خدا کے ہاتھ میں ہے۔

شرع لكم من الدين ما وصى به نوحا و الذي اوحينا إليك جسم اگر بےجان کے، درخت بے جڑ کے قائم نہیں رہ سکتا ہے تو کوئی ملت بغیر اپنے عائلی قوانین اور خاندانی نظام کے زندہ رہ سکتی ہے، ورنہ نہیں، کسی قوم کے لئے اس کی اتنی اہمیت ہو یا نہ ہو، مسلمانوں کے لئے بہر حال ہے، اس لئے کہ مسلمانوں کا وجود ایمان و اسلام، یعنی ماننے اور اطاعت کرنے اور اللہ و رسول ﷺ کی فرمانبرداری کا قلادہ گردن میں ڈال لینے سے ہے، اور یہ اسلام و ایمان قولا ہی نہیں بلکہ بالفعل اور علمی طور پر اس کی پوری زندگی میں زندہ و تابندہ، جاری اور نافذ ہونا چاہئے ۔

پرسنل لاء اگر ایک طرف عقیدہ و ایمان کا مدار ہے دوسری جانب امت مسلمہ کے وجود و بقا کا انحصار ! یہ وہ دو دھاری تلوار ہے، جسے اگر کسی قوم کے خلاف استعمال کیا جائے تو اس کے معنوی وجود کےساتھ اس کے ظاہری ہیئت و بود اور نمود کو ختم کر کے رکھ دے 

بحوالہ: مسلم پرسنل لا اور اسلام کا عائلی نظام ، از :شمس تبریز خان 

https://urduarabiccorner.blogspot.com/2025/07/blog-post_17.html

https://urduarabiccorner.blogspot.com/2025/07/blog-post_7.html